Ertzaintzak esku hartu du EHUra autoz datozen pertsona guztiak sarrerako errotondatik ez gurutzatzeko

Ertzaintzak esku hartu behar izan du EHUra autoz datozen  pertsona guztiak sarrerako errotondatik ez gurutzatzeko. Nahiz eta errepide hori gurutzatzeko zubi bat prestatu duten, jende askok eta askok errotondatik gurutzatzea erabakitzen dute, arrisku handiko egoera bat sortuz. EHUko lanek  azkeneko bi ikasturte hauetan kanpus barnean  zeuden bi aparkaleku nagusiak ixtea eragin dute. 

Errektoretzaren arabera 800 dira egunero unibertsitatera datozen autoak. Auto guzti hauek aurten beren-beregi sortu diren hiru aparkaleku berrietan aparkatzera behartuta daude, hirurak kanpusetik kanpo. Egoera honek sortu du egunero kanpusetik kanpo aparkatzen duten 800 auto horietako pertsonak, errepidea gurutzatzera behartuak izatea. 

Arrisku egoera hura ekiditeko asmoz errektoretzak hainbat ekimen eraman ditu aurrera. Kurtsoa hasi baino lehenago ikasle guztiei bidalitako mezu batean egoera azaldu eta zubia erabiltzea eskatzen zitzaien. Honek emaitza nabariak eman ez zituenez ondoren unibertsitateko segurtasun zaindariak bertara bidali zituzten eta obretako materialez bete zuten gurutzabidea. Honek ere ez zuen esperotakoa lortu.   

Adur Perez