Samsung Galaxy Note IIa urriaren 4an salgai Espainiar Estatuan

Samsung Galaxy Note II, Smartphone eta tablet-en arteko hibridoaren bigarren belaunaldiak badauka jada kaleratze data Espainiar estatuan: Urriak 4.  Oraindik ez dago argi bere prezioa, baina 16 gigako aparatuak 660 euro inguru balioko ditu, Expansys online dendaren arabera.

Hibridoaren ideiak arrakasta gutxi izango zuela uste izan zuten aditu askok, baina Samsung konpainiak Galaxy Note aurkeztu zuenean, denak harritu zituen. Orain, Hego Koreako enpresak berriro errepikatu nahi du arrakasta hori, Galaxy Note II-a merkaturatuz.

Berlineko IFA azokan aurkeztu zuen Samsung-ek bere azkenengo Smartphone-a, eta han aurkeztu ziren Note II-ak dituen hobekuntzak bere aurrekariarekin alderatuta. Mugikor berria Samsung Galaxy SIII aren diseinura hurbiltzen da. Pantailari begiratuta, Note IIak Super AMOLED pantaila bat dauka, 1280x720 píxelekin. Tamainan ere handitu egin da, 5 hazbetetik 5,5 hazbetera.1,6 GHzko Lau nukleoko prozesagailua dauka, eta RAM memoriako 2 GB. Horretaz gain, Galaxy Note IIak stylus S Pen hobetu bat dakar, zeinak 24 presio maila desberdin neurtzen ditu.